Pixkanaka-pixkanaka normaltasuna berreskuratzen ari gara. Azkenik, kalera irten gaitezke ordutegi-mugarik gabe eta lurralde osoan ibil gaitezke murrizketarik gabe. Orain gainera, ez da derrigorrezkoa kalean musukoa eramatea, beraz, ia ezerk ez digu gogoraraziko azken urtean izandako etapa latza…
Aurrera egiteko eta bizi izan dugun egoera atzean uzteko gogoa dugu. Hala ere, gogo handia izan arren, ezin dugu alde batera utzi bizi izan duguna, ez eta bizipen horrek nola eragin digun guztioi ere, bai helduoi, bai haurrei.
Egia da txikienek egokitzeko gaitasun handia dutela, baina, hala ere, jasaten dituzten egoera desberdinek eragiten diete. Koronabirusen krisiak beren errutina erabat hautsi eta interakzio sozialak ia erabat mugatu zituen, eta horrek epe luzerako ondorioak ere izan ditzake beren portaeran. Horregatik, adi egon behar dugu gure seme-alabak zailtasunak izan ditzakeela adierazten diguten seinaleei.
Jarraian utzi dizuegun elkarrizketan, seinale horietako batzuk adierazteaz gain, guraso gisa nola erantzun dezakegun ere azaltzen du, haien ongizatea bultzatzeko.
Animo guztioi, denok ari gara ahal dugun hobekien!